Thotë Profeti Muhammed (a.s)…

Përzgjodhi, përktheu nga arabishtja

 dhe përshtati në shqip 

Muhamed Sytari, thirrës islam

 

 

 

• "A t'ju tregoj për adhurimin më të lehtë dhe më të papërfillshëm për trupin? Heshtja dhe morali i mirë".[1]

• "A t'ju tregoj për më të fortin ndër ju? Ai që e zotëron veten kur nervozohet".[2]

• "Agjërimi dhe Kur'ani i ndërmjetësojnë robit tek All- llahu ditën e gjykimit. Agjërimi thotë: O Zot, unë ia ndalova ushqimin dhe epshet gjatë gjithë ditës, prandaj më prano mua për të! Ndërsa Kur'ani thotë: O Zot unë ia ndalova gjumin gjatë natës, prandaj më prano mua për të dhe i ndërmjetësojnë".[3]

• "Agjërimi është gjysma e durimit".[4]

• "Agjërimi është mburojë nga dënimi i All- llahut".[5]

• "Agjërimi është mburojë, nëse nuk prishet me gënjeshtra apo duke marrë nëpër gojë të tjerët".[6]

• "Agjëro sepse nuk ka si agjërimi".[7]

• "Ai që merr përsipër të mos kërkojë nga njerëzit, marr përsipër të jetë prej banorëve të xhennetit".[8]

• "Arma më e fortë e besimtarit është durimi dhe lutja".[9]

• "Ata që duhen vetëm për hatrin e All- llahut, do ulen në karriga prej smeraldi, ditën e Kijametit".[10]

• "Atë që e fsheh diturinë e mallkon çdo gjë, edhe balenat në det e zogjtë në qiell".[11]

• "Atyre që mblidhen për të përmendur All- llahun, u zbret qetësia, i rrethojnë melaiket, i mbulon mëshira dhe i përmend All- llahu në Arshin e Tij".[12]

• "Besimtari është pasqyrë e besimtarit".[13]

• "Besimtari, prej robëve të Zotit, nuk bëhet i keq e zullumqar ndaj atij që urren, as nuk i hyn në hak atij që do, as nuk e humbet amanetin, as nuk ka mëri, as nuk shan, as nuk mallkon, e pranon të vërtetën edhe po s'ju kërkua, është i bindur me atë që ka, nuk pretendon atë që s'është e tija dhe nuk e kap kopracia kur është koha për të dhënë".[14]

• "Çdo grua që vdes duke qenë i shoqi i kënaqur prej saj, do të hyjë në xhennet".[15]

• "Çdo musliman për muslimanin është haram: malli i tij, nderi i tij, gjaku i tij dhe i mjafton e keqe muslimanit të urrejë vëllanë e tij musliman".[16]

• "Çelësat e fshehtësisë janë pesë dhe nuk i  di askush perveç All- llahut (svt): Askush se di se çfarë do të bëhet nesër perveç All- llahut, askush se di se çfarë ka në mitra përveç All- llahut, askush se di se kur do të bëhet kijameti përveç All- llahut, asnjeri se di se ku do të vdesë përveç All- llahut dhe askush se di se kur do të bjerë shi përveç All- llahut".[17]

• "Çelësi i xhennetit është namazi dhe çelësi i namazit është pastërtia".[18]

• "Dijetarët janë besnikët e All- llahut në robët e Tij".[19]

• "Fjalët më të mira janë katër: Subhanall- llah, Elhamdu lil- lah, La ilahe il- lall- llah dhe All- llahu ekber".[20]

• "Gjëja më e mirë që i është dhënë njeriut është morali i mirë".[21]

• "Gjëja më e mirë që lë njeriu pas vete është: Një fëmijë të mirë që lutet për të, një mirësi e vazhdueshme dhe dija nga e cila përfiton dikush pas tij".[22]

• "Habitem me atë që kërkon këtë botë ndërkohë që vdekja e kërkon atë, habitem me të hutuarin ndërkohë që All- llahu nuk është i hutuar për punët e tija, habitem me atë që qesh me të madhe ndërkohë që se di se a është hidhëruar All- llahu me të apo jo".[23]

• "Habitem me muslimanin: Kur e kaplon ndonjë e keqe duron, ndërsa kur e kaplon ndonjë e mirë e falenderon All- llahun. Muslimani shpërblehet për çdo gjë, deri edhe për kafshatën që e ngre deri në gojën e tij".[24]

• "I lumi ai që është udhëzuar në Islam, jetesa e tij është e mjaftueshme dhe ai është i kënaqur me këtë".[25]

---

[1] Transmetuar nga Ibn Ebi Dunja nga Safvan ibni Selim (mursel).

[2] Transmetuar nga Tabaraniu nga Enesi (r.a).

[3] Transmetuar nga Ahmedi, Tabaraniu, Hakimi dhe Bejhakiu nga Ibni Amr (r.a).

[4] Transmetuar nga Ibni Maxhe nga Ebu Hurejra (r.a).

[5] Transmetuar nga Bejhakiu nga Osman Ibn Ebil As (r.a).

[6] Transmetuar nga Tabaraniu nga Ebu Hurejra (r.a).

[7] Transmetuar nga Ahmedi, Nesaiu, Ibni Hibbani dhe Hakimi nga Ebu Umame (r.a).

[8] Transmetuar nga Ebu Davudi dhe Hakimi nga Thoubani (r.a).

[9] Transmetuar nga Dejlemiu  nga Ibni Abasi (r.a).

[10] Transmetuar nga Tabaraniu nga Ebu Ejjubi (r.a).

[11] Transmetuar nga Ibnul Xheuzi nga Ebu Saidi (r.a).

[12] Transmetuar nga Ebu Nuajm  nga Ebu Hurejra & Ebu Saidi (r. anhuma).

[13] Transmetuar nga Tabaraniu nga Enesi (r.a).

[14] Transmetuar nga Hakimi nga Xhundub ibni Abdil-lah (r.a).

[15] Transmetuar nga Tirmidhiu, Ibni Maxhe dhe Hakimi nga Um Seleme (r.a).

[16] Transmetuar nga Ebu Davudi dhe Ibni Maxhe nga Ebu Hurejra (r.a).

[17] Transmetuar nga Bukhariu dhe Ahmedi  nga Ibni Omeri (r.a).

[18] Transmetuar nga Ahmedi dhe Bejhekiu  nga Xhabiri (r.a).

[19] Transmetuar nga Kuda'i dhe Ibni Asakir nga Enesi (r.a).

[20] Transmetuar nga Dejlemiu Ebu Hurejra (r.a).

[21] Transmetuar nga Ahmedi, Nesaiu, Ibni Maxhe dhe Hakimi nga Usama ibn Shurejk (r.a).

[22] Transmetuar nga Ibni Maxhe dhe Ibni Hibbani nga Ebu Kutade (r.a).

[23] Transmetuar nga Ibn Adij dhe Bejhakiu nga Ibni Mes'udi (r.a).

[24] Transmetuar nga Tajalisi dhe Bejhakiu nga Sa'di (r.a).

[25] Transmetuar nga Tirmidhiu, Ibni Hibbani dhe Hakimi nga Fudale ibni Ubejd (r.a).