Muhamed Sytari

Vizitë në shtëpinë e dijetarit të shquar, Shejkh Vehbi S. Gavoçi

(...harmonia dhe bashkëpunimi, si një dorë e vetme, është gjëja e parë që duhet të shkojë në mendje...) 

Vizita në Damask e thirrësit islam Muhamed Sytari, nuk kishte sesi të mos kalonte edhe nëpërmjet derës së shtëpisë së dijetarit të madh e të shquar shqiptar, Vehbi Sulejman Gavoçi.

Në këtë vizitë, thirrësi islam Muhamed Sytari ishte në shoqëri të presidentit të Fondacionit Islam “Shejkh Ahmed Keftaro”, dr. Salahudin Keftaro, i cili kishte shprehur dëshirën e tij për ta vizituar dijetarin e madh me prejardhje nga Shqipëria.

Në bisedën e ngrohtë të zhvilluar me Shejkh Vehbi Gavoçin, është folur për vlerën e dijes dhe dijetarëve, domosdoshmërinë e mbështetjes së thirrësve të rinj islamë, në Shqipëri e gjetkë, në shërbim të mësimeve mesatariste të fesë tonë.

Në këshillat e tij për vizitorët, dijetari Vehbi S. Gavoçi, ka nxitur shpirtin e bashkëpunimit dhe mirëkuptimit në mesin e të angazhuarve në shërbim të Thirrjes Islame, kudo qofshin. Ai ka theksuar, se më shumë se kurrë sot, kundërshtarët e fesë dhe moralit të saj përpiqen me të gjitha mundësitë e tyre për të hedhur baltë e vrerë kundër fesë së Zotit, prandaj harmonia dhe bashkëpunimi, si një dorë e vetme, është gjëja e parë që duhet të shkojë në mendje në këtë përballje.

Takimi i përzemërt është mbyllur me lutjet dhe bekimet e Hirësisë së Tij për vizitorët dhe punën e tyre.

www.muhamedsytari.net