Muhamed Sytari

Vizitat e Kurban Bajramit

(Dita e parë e Kurban Bajramit (27.11.2009)) 

Në ditën e parë të Kurban Bajramit (27.11.2009), pas përfundimit të ceremonisë së kësaj dite në xhaminë e Tophanës, thirrësi islam Imam Muhamed Sytari, ka zhvilluar disa vizita me rastin e kësaj feste në disa prej institucioneve islame të qytetit të Shkodrës.
Fillimisht ai ka vizituar në shtëpinë e tij, myftiun e Shkodrës (1991-2003), Haxhi Faik Hoxha, me të cilin ka ndarë urimet dhe përshëndetjet e përzemërta të kësaj dite të madhnueshme për muslimanët e mbarë botës.
Më pas vizita ka vijuar në institucionin e myftinisë Shkodër, ku është pritur nga myftiu aktual i Shkodrës, Imam Ndriçim Sulejmani dhe stafi i tij. Në këtë vizitë, Imam Muhamed Sytari ka uruar myftiun Sulejmani për këtë festë të madhe dhe ka përcjellur edhe përshëndetjet e xhematit të xhamisë Tophanë.
Gjatë kësaj vizite në institucionin e myftinisë Shkodër, Imam Muhamed Sytari ka dhënë edhe një mesazh urimi për gazetarët e mediave vizive të vendosur në ambientet jashtë myftinisë, ku ka uruar të gjithë qytetarët muslimanë të Shkodrës për këtë ditë të madhnueshme feste.
Vizita ka vijuar në ambientet e medresesë së vajzave, në pritjen e organizuar nga shoqata “Istanbul” në ditën e parë të këtij Bajrami. Me këtë rast, ai ka uruar koordinatorin e përgjithshëm të kësaj shoqate, z. Shuajb Bashhan, me të cilin ka ndarë momentet e kësaj vizite.

www.muhamedsytari.net