Muhamed Sytari

Tv1 Channel dhe Tv Rozafa, mbi vizitën e thirrësit islam Muhamed Sytari

(“Arizona ka 17 xhami dhe faltore, që frekuentohen kryesisht nga muslimanë amerikanë...) 

Vizita e thirrësit islam Muhamed Sytari në Arizona, gjatë muajit të madhërueshëm të Ramazanit, është pasqyruar edhe nga mediat lokale të qytetit të Shkodrës.

Në edicionet e lajmeve, mediat lokale Tv1 Channel dhe Tv Rozafa, i kanë bërë jehonë kësaj vizite dhe kanë përmendur disa të dhëna të rëndësishme mbi komunitetin musliman të shqiptarëve të Phoenix, si dhe disa të dhëna mbi jetën fetare islame në Arizona.

Në këtë lajm është bërë e ditur se: “Arizona ka 17 xhami dhe faltore, që frekuentohen kryesisht nga muslimanë amerikanë, si dhe të ardhur nga vende si: Shqipëria, Bosnja, Siria, Jordania, Indonezia, Turqia, India etj”.

Është përmendur fakti se xhamia e shqiptarëve të kryeqendrës së shtetit Arizona, frekuentohet kryesisht nga një komunitet i madh shqiptarësh me origjinë nga Dibra e Madhe, Shkodra, Elbasani, Kosova etj.

Është përmendur fakti se “Imam Didmar Faja është i vetmi imam shkodran shqiptar që shërben ne Amerikë, në gjurmët e Salih ef. Myftisë dhe Imam Vehbi Ismailit, shkodranët që mbajtën të gjallë komunitetin musliman shqiptar në diasporë. Vlen të përmendet se kontributi i hoxhallarëve shkodranë në të kaluarën dhe kohët e sotme është i dukshëm dhe i vlerësuar nga komuniteti musliman shqiptar në Amerikë”.

Në mesazhin e dërguar muslimanëve shqiptarë, Imam Didmar Faja ka theksuar: “Uroj të gjithë besimtarët muslimanë, në vecanti ata shkodranë, agjërim të mbarë dhe suksese në jetën e tyre. Shpresoj që ky muaj të shërbejë për të rritur përgjegjësinë fetare dhe afrimin me moralin e fesë tonë të pastër”.

Ndërsa thirrësi islam Muhamed Sytari, ka vlerësuar këtë ftesë me fjalët e tij: “Shpresoj që kjo ftesë të shërbejë për të forcuar urat e komunikimit të ndërsjellët në mes të komuniteteve tona dhe njëkohësisht të jetë një hap i rëndësishëm për prezantimin e Islamit në shoqërinë amerikane”.

 

www.muhamedsytari.net

 

Kliko për të parë lajmin në youtube:http://www.youtube.com/watch?v=1bcud2Vcxvs