Muhamed Sytari

Me ftesë të Qendrës Islame Shqiptare Amerikane  të Arizonës (Albanian American  Islamic Center of Arizona), në ShBA, thirrësi islam Muhamed Sytari ka udhëtuar drejt Phoenix, për të marrë pjesë në ceremonitë fetare që organizon kjo Qendër Islame me rastin e muajit të madhërueshëm të Ramazanit.

Gjatë këtij muaji, Sytari do të zhvillojë takime me komunitetin musliman shqiptar të Arizonës, do të mbajë ligjërata fetare dhe do të marrë pjesë në organizimet e Festës së Fitër Bajramit atje. Para nisjes së tij drejt ShBA, në një takim me bashkëpunëtorë të tij të afërt, thirrësi islam Muhamed Sytari ka thënë se ndjehet i obliguar nga ftesa e bërë me këtë rast dhe se ky udhëtim do të shërbejë si një mundësi e mirë për forcimin e lidhjeve me botën islame në ShBA dhe njëkohësisht një mundësi për prezantimin e mendimit mesatarist islam në shoqërinë amerikane.

Duhet përmendur se në fillim të këtij viti, drejtuesi i Qendrës Islame Amerikane Shqiptare të Arizonës, Imam Didmar Faja vizitoi Shkodrën, ku mori pjesë edhe në faljen e namazit të xhumasë në xhaminë e Tophanës dhe në disa aktivitete fetare të organizuara nga hatibi i kësaj xhamie, me rastin e vizitës së tij.

www.muhamedsytari.net