Muhamed Sytari

Thirrësi islam Muhamed Sytari i ftuar në radio “Nacional”

(Tiranë, e xhuma, më 7 mars 2008) 

Sot paradite, nëpërmjet valëve të radio “Nacional”, Tiranë, thirrësi islam Muhamed Sytari ka uruar të gjithë mësuesit dhe edukatorët me rastin e ditës së 7 marsit.

I ftuar në emisionin “Fllade Islame”, ai i është përgjigjur pyetjeve të ndryshme në lidhje me vlerësimin e dijes dhe misionit të mësuesit në fenë islame. Në përgjigjet e tij, ai ka theksuar interesimine Kuranit Famëlartë dhe Traditës profetike të hz. Muhammedit (a.s) për edukimin dhe arsimimin e shoqërisë me baza të shëndosha diturore.

Në këtë intervistë të zhvilluar në radio “Nacional”, janë trajtuar disa çështje, si: angazhimi i profetit Muhammed (a.s) për të eliminuar analfabetizmin në shoqëritë njerëzore, bazat e kërkimit të dijes në Kuran, respekti ndaj mësuesit në të kaluarën islame dhe në të sotmen, marrëdhëniet në mes diturive fetare dhe jo në medresetë tona etj.

Në fund të intervistës, i ftuari i ka drejtuar një mesazh të gjithë mësuesve, nxënësve dhe të rinjve shqiptarë në funksion të respektimit dhe përfitimit nga koha, respektimit të mësuesve dhe angazhimit për një edukim me thelb frikën e Zotit.

www.muhamedsytari.net