Imam Muhamed Sytari

Nga thëniet e Hazreti Omerit (r.a)

(“Llogarisni veten tuaj para se të llogariteni,...")

“Mos i beso sjelljes së një personi, pa e provuar kur është i nervozuar!” [1]

“Kur njeriu bie në pesimizëm për diçka, heq dorë prej saj!” [2]

“Nuk është i mençur ai që dallon të mirën nga e keqja! I mençur është ai që dallon më të mirën në dy të këqija!” [3]

“Kushdo që hiqet si i përkushtuar në mesin e njerëzve mbi atë që ka në zemrën e tij, në të vërtetë shfaqë hipokrizi mbi hipokrizi!”[4]

“Ai që sillet ndryshe nga sjellja e tij, është munafik”[5]

“Nëse njeriu do të kishte dhjetë veçori, nëntë prej të cilave të mira dhe e dhjeta e tyre sjellja e keqe, ajo do t’i prishte të tëra!”[6]

“Llogarisni veten tuaj para se të llogariteni, sepse kjo është më e lehtë për llogarinë tuaj! Peshojeni veten tuaj para se të peshohet! Përgatituni për daljen e madhe, ditën kur do të dilni dhe asgjë nga ju nuk do të fshihet!” [7]
 

Përktheu nga arabishtja dhe përshtati në shqip
Muhamed Sytari

[1] Po aty, fq. 268.
[2] Po aty, fq. 268.
[3] Po aty, fq. 269.
[4] Po aty, fq. 471.
[5] Po aty, fq. 471.
[6] Po aty, fq. 472.
[7] Po aty, fq. 273.