Muhamed Sytari

"Të gjithë kemi nevojë për Resulull-llahin (a.s)"

(Shkodër, më 29 shkurt 2008 - Xhamia Tophanë) 

Nëpërmjet minberit të xhamisë së Tophanës, thirrësi islam Muhamed Sytari, ka vazhduar edhe sot me serinë e hytbeve të xhumasë me temë dashurinë e sahabëve për Resulull-llahin (a.s).

Në ligjëratën e sotme, pasi ka përmendur disa raste konkrete në lidhje me këtë temë, ai është ndalur në komentimin e tyre duke theksuar: “Vëllezër dhe motra! Të gjithë ne sot kemi nevojë për Resulull-llahin (a.s), për mësimet e tij, për mëshirën e tij, për butësinë e tij, për durimin e tij, për sakrificën e tij, për mesazhet qytetërues me të cilat u dërgua, për dritën e tij që të ndriçojë errësirat e materializmit të sotëm, për...

Rastet e mësipërme dhe ato që kemi përmendur në ligjëratat e kaluara, duhet të na vlejnë që të ndezim me to, sadopak, dashuri të sinqertë për Zotërinë e bijve të Ademit, dashuri që na nxjerrë nga errësira në dritë, nga padituria në dituri, nga një Islam i pretenduar në një Islam aktiv dhe të gjallë!”

Për të disatën herë, hytbeja e xhumasë u parapri nga dersi i xhumasë, i mbajtur nga thirrësi islam Lavdrim Hamja.

Ahmed Mahiri