Muhamed Sytari

Takim i përzemërt me studentët shqiptarë në Damask

(Damask, më 21.3.2009) 

Gjatë vizitës së tij në Damask, thirrësi islam Muhamed Sytari është interesuar edhe për gjendjen e studentëve shqiptarë që vazhdojnë studimet e tyre në këtë fondacion.

Me këtë rast, në takimin me studentët shqiptarë, ka marrë pjesë edhe dr. Salahudin Keftaro. Në fjalën e tij përshëndetëse, pasi ka falënderuar thirrësin islam Muhamed Sytari për vizitën e tij, ka folur mbi rëndësinë e përfitimit nga koha në shërbim të dijes, edukimit islam, kuptimit të kohës dhe shpirtit të sakrificës në shërbim të përhershëm të Thirrjes Islame me urtësi.

Nga ana e tij, vizitori nga Shkodra, pasi është interesuar për studimet dhe gjendjen e studentëve shqiptarë në Damask, ka bërë një ekspoze të gjendjes së Thirrjes Islame sot në Shqipëri, mënyrën sesi funksionojnë institucionet islame dhe xhamitë, nevojën që ka sot Shqipëria për thirrës islamë të edukuar me frymën e mesatarizmit dhe dialogut islam, njerëz me personalitet, të pjekur, të urtë, të thelluar jo vetëm në njohuritë fetare, njohës të gjuhëve të huaja dhe kulturave joislame etj.

I pyetur nga studentët, ai ka dhënë mendimin e tij edhe në lidhje me çështjen e zgjedhjeve në Komunitetin Musliman Shqiptar, kakofoninë e madhe të ndodhur ditëve të fundit në mediat shqiptare në lidhje me këtë etj.

www.muhamedsytari.net