Imam Muhamed Sytari

Shkrumbohet xhamia e fshatit Mes-Myselim

(16 maj 2010)

Nё orёt e para tё ditёs sё diel, mё 16 maj 2010, si pasojё e avarive tё energjisё elektrike, ka pёrfunduar e shkrumbuar xhamia e fshatit Mes-Myselim.
Tё parёt qё kanё vёnё re shenjat e flakёs kanё qenё besimtarёt e parё tё ardhur pёr tё falur namazin e sabahut nё ambientet e xhamisё sё fshatit tё tyre. “Pёr 10 minuta krejt tavani ra dhe flaka shpёrtheu gjithandej”- rrёfen njё prej dёshmitarёve okularё tё kёsaj fatkeqёsie.
Edhe pas ndёrhyrjes sё zjarrfikёsve, flakёt nuk kanё kursyer asgjё nё brendi tё kёsaj xhamie, e cila ёshtё ndёr tё parat e rihapura menjёherё pas xhamisё sё Plumbit, mё 16 nёntor 1990.
Nё vendngjarje ka mbёrritur menjёherё edhe myftiu i Shkodrёs Imam Muhamed Sytari, i shoqёruar nga imamё e thirrёs islamё, duke ndarё me tё pranishmit shqetёsimin dhe dhembjen e kёsaj fatkeqёsie tё papritur pёr komunitetin musliman tё kёsaj zone.
Mё vonё, nё orёt e pasdites, ai ka mbledhur nё njё mbledhje tё jashtёzakonshme kёshillin e myftinisё Shkodёr, ku ёshtё diskutuar gjerё e gjatё pёr problemin nё fjalё dhe rrugёt e zgjidhjes sё kёsaj situate tё vёshtirё pёr besimtarёt e fshatit Mes-Myselim.
ME KЁTЁ RAST, MYFTINIA SHKODЁR I BЁN THIRRJE KREJT OPINIONIT MUSLIMAN SHKODRAN, BRENDA VENDIT DHE JASHTЁ TIJ PЁR TЁ KONTRIBUAR EKONOMIKISHT PЁR RINDЁRTIMIN E XHAMISЁ SЁ FSHATIT MES-MYSELIM.