Muhamed Sytari

Punime të reja në xhaminë e Tophanës

(Shkodër,më 20 gusht 2008) 

   Në atmosferën e begatë të tre muajve të madhërueshëm, Rexheb, Shaban dhe Ramazan, në xhaminë e Tophanës filloi faza e re e restaurimit dhe perfeksioninimit të pamjes së jashtme të saj, me bojatisjen e ambienteve të jashtme.

   Pas restaurimit të anekseve të brendshme të xhamisë, sot nisi lyerja e minares dhe e pjesës ballore të saj, që do të ndikojë pozitivisht në rregullimin e pamjes dhe zbukurimin e saj.

   Duhet theksuar se xhamia e Tophanës po kthehet në një shembull pozitiv për xhamitë e tjera të vendit, duke patur parasysh sistemin e brendshëm të mbledhjes së fondeve nga antarët e këtij xhemati, me të cilat kryhen edhe nevojat kryesore të xhamisë.

   Me këtë rast, duhen falenderuar të gjithë besimtarët frekuentues të kësaj xhamie që kontribuojnë në mënyrë sistematike për cilësinë e vazhdueshme të xhamisë së tyre.

Ilir Dizdari

Imam i xhamisë Tophanë, Shkodër