Muhamed Sytari

Pengesat e Thirrjes Islame

(Sëmundja e shpirtit dhe e zemrës dhe dobësimi i tyre) 

Cilat janë pengesat e thirrjes islame në këtë kohë dhe si mund të kapërcehen?

 

"Pengesat janë të shumta, por shumë mirë mund t'i ndajmë në dy pika:

E para: Sëmundja e shpirtit dhe e zemrës dhe dobësimi i tyre. Paaftësia e shpirtit para epsheve, zakoneve, traditave dhe pasimi i kërkesave të ulëta që lindin dhe zhvillohen pranë mendimit për interesin vetjak, larg mendjes së pastër dhe gjykimit të drejtë.

E dyta: Vesveset e të mallkuarit që të zbukurojnë rrugën e shtrembër, duke e ushqyer atë me gra e pije, me pasuri të dyshimtë e dëfrime pa kufij.

Të largojnë nga mendja pyetje të tilla, si: Kush jam unë? Kush më ka krijuar dhe përse? Çfarë duhet të veproj në këtë jetë të gjatë, ku për çdo ditë duhet të lodhem për veten e familje? Ku do të shkoj nesër, kur të vdes e të lë këtë jetë?

Nëpërmjet kërkesave të ulëta e nëpërmjet epsheve të lira, të mbyll syrin për të parë të vërtetën, të shurdhon për të dëgjuar zërin e arsyes dhe logjikës, të ndalon të përdorësh mendjen si duhet, etj.

Të gënjen me pije, të lakmon femrën e të bën të mendosh se nuk ka ringjallje pas kësaj jete, kështu që duhet shfrytëzuar çdo moment për të ushqyer epshet!

Pra, pengesa e parë është e lidhur me zemrën!

Me atë zemër, që kur të shkëlqen, i largon dhe i hedh larg krejt pengesat e dorës së parë, pastaj me mendim të drejtë, me dije, me kohë, me sinqeritet dhe me lutje mund të dëbojë edhe armikun e dytë, që është shejtani, për të cilin All-llahu (xh.sh) na ka thënë më tepër se një herë: "O bijtë e Ademit, po a nuk u dërgova porosinë që të mos e dëgjoni djallin, se me të vërtetë ai është armiku juaj i hapët".[1]

Për fat të keq ky shejtan është dy llojesh:

Lloji i parë është i krijuar nga zjarri, ndërsa lloji i dytë është i krijuar nga mishi dhe gjaku, nga nana e baba… Njeri!

Për këtë All-llahu (xh. sh.) thotë: "Thuaj: "Mbështetem (mbrohem) me Zotin e njerëzve.! Sunduesin e njerëzve, të adhuruarin e njerëzve, prej të keqes së cytësit që fshihet. I cili bën cytje në zemrat e njerëzve, qoftë ai (cytësi) nga xhinët o nga njerëzit".[2]

Prandaj, kur të forcohet zemra, ajo ndikon edhe tek gjymtyrët, duke i ndriçuar ato dhe duke përmirësuar sjelljet e njeriut dhe jetën e tij. Kështu njerëzit jetojnë të qetë, në jetën e tyre sundon besimi dhe presin të mira të papërshkrueshme nesër në jetën e ardhshme. E kundërta e kësaj ndodh atëherë, kur dobësohet zemra dhe zhytet në epshe, për t'u sunduar dhe drejtuar nga shejtani, i cili realizon bjerrjen e pashmangshme të njeriut në të dyja jetët.

A e shihni, se si sot pa asnjë shkak, politika botërore po bën një kryqëzatë kundër Islamit, sikurse pat filluar këtë gjë që para shumë shekujsh në vitin 1095![3]

Shoqata të ndryshme amerikane kanë deklaruar pas studimeve të bëra, se në avionët e përplasur për kullat binjake më 11 shtator 2001, nuk ka pasur asnjë musliman apo arab. Madje këtë gjë e ka thënë edhe një studiues francez! Atëherë, përse u akuzuan arabët dhe po luftohen muslimanët kudo? Në të vërtetë, vetëm për interesat amerikane!

Lufta e njeriut kundra veseve, epsheve e vesveseve të shejtanit nuk pushon asnjëherë, sa të jetë kjo jetë dhe askush nuk shpëton prej saj, sikurse nuk mbaron asnjëherë as lufta e pasuesve të shejtanit kundra njeriut! Ti, si musliman duhet ta mësosh këtë gjë dhe të jetosh me sy dhe veshë të hapur, me zemër të zgjuar, me lutje të përhershme ndaj Zotit (xh. sh) për realizimin e kërkesave tuaja, si dhe të kërkosh prej Tij të të ruajë nga e keqja e çdo armiku që dëmton.

Ai, që merr pjesë në këtë luftë dhe e fiton atë, do të jetojë me kënaqësinë e Zotit (xh. sh) dhe nesër në ditën e gjykimit do të jetë nën hijen e mirësisë së pafundme të All-llahut (xh. sh). Ndërsa ai që pason epshet e tij, zakonet e gabuara dhe merr rrugën e gabuar, ai ka humbur këtë jetë dhe të ardhmen.

Si një student që lë shkollën për një lojë a një dëfrim dhe ik nga mësimi, për të kaluar ditët e tija në dëfrim, gëzim dhe kënaqësi… Më vonë ai do të pendohet, sapo të vijë provimi!? Megjithatë provimet në këtë botë, përsëriten në vjeshtë, përsëritet viti shkollor, përjashtohet studenti nga shkolla e merret me ndonjë punë… Mirëpo provimi në botën e ardhshme nuk përsëritet për asnjë arsye.

U zgjata pak në këtë pikë interesante, prandaj mos u mërzit asnjëherë në thirrjen tënde por mendo se ti je përgjegjës me mësu e me udhëzu njerëzit në rrugën e drejtë. Në qoftë se pas udhëzimeve e mësimeve tua, ata nuk mësohen por vazhdojnë në rrugën e tyre, atëherë ti nuk ke më përgjegjësi.

 

 

Nga monografia e thirrësit islam Muhamed Sytari:

“Vehbi Sulejman Gavoçi- dijetar nga dijetarët e ymmetit”, Prishtinë 2005.