Imam Muhamed Sytari

Pasurohet biblioteka e xhamisë së Tophanës

(Shkodër, më 17 mars 2010) 

Pasdreken e ditës së mërkurë, më 17 mars 2010, zv/drejtori i Institutit Shqiptar të Mendimit dhe Qytetërimit Islam, dr. Bedri Telegrafi i shoqëruar nga një pjesë e stafit të këtij institucioni, ka vizituar xhaminë e Tophanës. Me këtë rast Imam Muhamed Sytari i ka uruar miqve mirëseardhjen në xhaminë e tij. Pasi i ka bërë një ekspoze të shkurtër të aktiviteteve të ndryshme që  zhvillohen në këtë xhami, ai i ka njohur vizitorët edhe me historikun e vjetër të kësaj xhamie, që është më e lashta e qytetit të ri të Shkodrës.

Më pas, Dr. Telegrafi ka prezantuar paketën me 15 tituj që AIITC i dhuron bibliotekës së xhamisë Tophanë. Ai ka vlerësuar xhaminë dhe aktivitetin e saj dhe ka uruar që bashkëpunime të tilla të vazhdojnë edhe më tej në shërbim të gjallërimit të jetës fetare e kulturore në xhamitë tona.

Imam Muhamed Sytari ka vlerësuar angazhimet serioze të drejtorit të AIITC, dr. Ramiz Zekaj, sikurse ka vlerësuar paketën me librat e dhuruar për bibliotekën e xhamisë Tophanë. Nga ana e tij, edhe imami i xhamisë Tophanë, Ilir Dizdari ka falënderuar AIITC për këtë vlerësim bërë xhamisë së Tophanës dhe bibliotekës së saj.

Ilir Dizdari