Muhamed Sytari

Kartat e identitetit dhe hixhabi - (intervistë për Tv1 Channel)

(Shkodër, më 22 janar 2009) 

Në një intervistë për kanalin televiziv Tv1 Channel, thirrësi islam Muhamed Sytari ka komentuar lajmin më të përfolur gjatë dy ditëve të fundit në Shqipëri; ndalimin e vajzave me mbulesë për t’u fotografuar me shaminë e tyre për kartat e reja të identitetit.

“E pritëm me entuziazëm dhe dëshirë të madhe vendimin për pajisjen e shqiptarëve me kartat e reja të identitetit, sipas parametrave bashkëkohore, por njëkohësisht u befasuam nga deklarata e zv/ministrit të Brendshëm, për ndalimin e vajzave me shami për të pozuar me hixhabin e tyre për fotografinë e kësaj karte.

Hixhabi është pjesë e pandarë e identitetit të muslimanes, e për rrjedhojë, një vendim i tillë përveçse një shkelje e të drejtave të njeriut, është padyshim edhe një penalizim i panevojshëm, në një shoqëri besimtare si ajo shqiptare”

Ndërsa pyetjes sesi mund të pritet një vendim i tillë nga besimtarët dhe komuniteti musliman, ai i është përgjigjur: “Unë shpresoj që ky vendim të tërhiqet, edhe për faktin se ky është një vit elektoral dhe imagjinoni vendimin e muslimanëve për bojkotim të zgjedhjeve, do të ishte diçka e pamenduar!”

Pyetjes së gazetarit: “Po sikur të mos ndryshohet ky vendim, do të thotë se do bojkotohen zgjedhjet nga muslimanët?”, ai duke buzëqeshur i është përgjigjur: “Unë shpresoj dhe lutem që ditën e votimeve, ne dhe gratë tona të mbuluara të shkojmë për të votuar të lirë e të respektuar!”

www.muhamedsytari.net