Muhamed Sytari

“Jo tolerancë dhe bashkëjetesë me poshtëruesit e fesë tonë!”

(Shkodër, më 13 nëntor 2009) 

“Edhe komunistët dikur, kanë vepruar në këtë mënyrë me objektet e fesë tonë, si drejtuesit e institucioneve tona sot! Asnjë tolerancë dhe frymë bashkëjetese me këta njerëz që i janë dorëzuar Iblisit të mallkuar kundër fesë, kundër besimit, kundër dritës! Teksa shohim sot Xhaminë e Plumbit në këtë gjendje të mjerueshme, nuk ka sesi të ndjejmë respekt dhe nderim për këta drejtues të paaftë e provincial, thellësisht provincial që na drejtojnë! Realiteti i Xhamisë tonë sot është ky që është, sepse ne kemi vdekur! Po, po, kemi vdekur dhe nuk dëgjohet as zëri, as shpirti, as zemra as lëvizja, as ndjenja, as përkatësia, asgjë prej asgjëje, prej nesh! Ne jemi muslimanë dhe nuk mund të lejojmë të mashtrohemi me një sofër iftari, as me një vizitë për Bajram, ku në vend të urimit për Festën tonë urohemi për bashkëjetesën tonë si komb? E kuptoni sa paradoksal është ky realitet?! 16 nëntori i vitit 1990, është një datë e shtrenjtë dhe e shenjtë për ne, mos ta harrojmë dhe mos ta harrojnë fëmijët tanë! Xhamia e Plumbit, është simbol i mposhtjes së ateizmit dhe rënies së tij, sikurse dëshmon dy gjëra shumë të rëndësishme për ne: rimëkëmbjen e besimit dhe fesë Islame ndër shqiptarë dhe dëshminë historike të lashtësisë së Islamit dhe lidhjes së tij me identitetin shqiptar!”- kanë qenë disa prej fjalëve të përmendura sot në hytben e xhumasë, në xhaminë e Tophanës, nga thirrësi islam, Imam Muhamed Sytari.
Gjatë kësaj hytbeje, ai është ndalur edhe të nevoja e interesimit të secilit prej nesh për hallet e Xhamisë së Plumbit, jo si një xhami e thjeshtë, por si simboli më i shtrenjtë islam i shqiptarëve. “Një popull që nuk lartëson simbolet dhe emblemat e fesë së tij, është i destinuar të poshtërohet dhe të mos ketë asnjë vend në karvanin e popujve dhe kombeve të qytetëruara dhe besimtare!”- ka thënë ai.

Shih në youtube:

http://www.youtube.com/watch?v=AtnatK79cM8&feature=channel (1)

http://www.youtube.com/watch?v=JibHfD0jfyg&feature=channel (2)

V. Mehmeti