Muhamed Sytari

I dërguari mëshirë për gjithësinë

(Shkodër, më 19 qershor 2009) 

Në hytben e xhumasë së tretë të muajit qershor, thirrësi islam Muhamed Sytari, ka vazhduar të flasë mbi cilësitë e të dërguarit të All-llahut, hz. Muhammedit (a.s), si i dërguar mëshirë për gjithësinë.

Në hytben e tij, ndër të tjera ai ka përmendur se: “Dërgesa e hazreti Muhammedit (a.s) si mëshirë për gjithë botrat nuk ishte nga përkushtimi dhe puna e tij, por një dhuratë hyjnore e Vetë Zotit të gjithësisë për të dhe ymetin e tij. Ai e përzgjodhi të dashurin e Tij Muhammedin (a.s) për të qenë mëshirë për çdo krijesë. Ky fakt na obligon me dashurinë dhe respektin e tij të pakufishëm”.

Në hytben e dytë të xhumasë, Sytari ka folur edhe mbi fushatën elektorale aktuale dhe ka denoncuar publikisht ata që i ka quajtur “krrokatës”, që me thashethemet e tyre në lidhje me këtë temë, po krijojnë përçarje në xhemat duke shpifur e trilluar. “Mosmirënjohja është veti e njerëzve të ulët, pa cilësi burrërore, pa identitet”- ka thënë ndër të tjera Sytari në hytben e dytë të kësaj xhumaje.

www.muhamedsytari.net