Muhamed Sytari

Hatmeja Sherife në xhaminë e Tophanës

(Shkodër, më 21 gusht 2009) 

Nisi sot, në ditën e parë të muajit Ramazan, Hatmeja Sherife e Kur’anit në xhaminë e Tophanës. Pas namazit të iqindisë, nën drejtimin e hatibit të kësaj xhamie, besimtarët dhe prijësit e tyre fetarë filluan leximin e plotë të Librit të All-llahut, ditë pas dite, si një traditë e re në xhaminë e Tophanës.

Në fillim të këtij aktiviteti, hatibi i kësaj xhamie, thirrësi islam Muhamed Sytari, ka ftuar teologun Alban Kali për këndimin e Fatihasë dhe ajeteve të para të sures Bekare.

Më pas, ai dhe thirrësi islam Lavdrim Hamja, në shoqërinë e besimtarëve të pranishëm, kanë vijuar me këndimin e xhyzit të parë të Kur’anit.

Në përfundim të këtij aktiviteti të përditshëm, hatibi i kësaj xhamie ka mbajtur një fjalë, në të cilën ka folur për vlerën që ka kjo traditë shumëshekullore islame dhe nevojën e  kthimit të muslimanëve nga Kur’ani Famëlartë.

Ahmed Mahiri