Muhamed Sytari

Hafiz Sabri Koçi- “Pishtar i ringjalljes Islame në Shqipëri”

(Tiranë, më 13 qershor 2009) 

Në kujtim të personalitetit së shquar islam, Hirësisë së tij H. H. Sabri Koçi, Kryesia e Komunitetit Mysliman të Shqipërisë me vendim nr. 23, dt. 09.06.2009 i ka dhënë atij çmimin vlerësues: “Pishtar i ringjalljes Islame në Shqipëri” (pas vdekjes).

Me këtë rast, Komuniteti Mysliman i Shqipërisë ka organizuar paraditen e ditës së shtunë, më 13. 6. 2009, një simpozium në ambientet e Muzeut Historik Kombëtar, ku merrnin pjesë personalitete të ndryshme islame nga vendi, ambasadorë, përfaqësues të pushtetit, Komitetit Shtetëror për Kultet, intelektualë, përfaqësues të komuniteteve fetare.

Aktiviteti u përshëndet nga H. Selim Muça, kryetar i KMSH-së, H. Dede Reshat Bardhi, kryegjyshi i K.B. Bektashian, H. Faik Hoxha, myfti i parë i Shkodrës (1991-2003), Nexhat Gjuzi, përfaqësues i Komitetit Shtetëror për Kultet.

Më pas referoi studiuesi Islam Dizdari, i cili hodhi dritë mbi jetën dhe veprën e Hafiz Sabri Koçit.

Programi u pasua me disa lirika fetare (ilahi) kënduar nga nxënëse të medresesë së Tiranës dhe nga një dokumentar lidhur me jetën dhe veprimtarinë e Haxhi Hafiz Sabri Koçit.

Në përfundim të këtij simpoziumi, kryetari i KMSh-së H. Selim Muça i dorëzoi të birit të Hafiz Sabri Koçit, z. Munir Koçi çmimin “Pishtar i ringjalljes Islame në Shqipëri” dhënë H. Sabri Koçit pas vdekjes.

Njëkohësisht Kryesia e KMSH-së ka shpallur si titull vlerësues të Komunitetit Mysliman të Shqipërisë, çmimin “Haxhi Hafiz Sabri Koçi”, në shenjë mirënjohje, i cili do t’u jepet qytetarëve shqiptarë dhe të huaj, njerëzve të fesë, shkencës, artit, kulturës, arsimit dhe politikës, për vepra dhe veprimtari të çmuara Islame dhe kombëtare.

Aktiviteti u pasua nga një koktejl.

 

www.muhamedsytari.net