Muhamed Sytari

Dëborë…

(Shkodër, më 18 – 19 shkurt 2009) 

Ditën e mërkurë, më 18 shkurt, Shkodra filloi të zbardhej sërish nga reshjet e reja të dëborës së re (e dyta në këtë fillimvit).

Në pamje të parë duket se ky, paska qenë viti i bardhësisë për këtë qytet, meqë brenda një hapësire kohore më pak se dymujore, dëbora u bë pjesë e realiteteve të tij.

Sidoqoftë, qyteti u zbardh e së bashku me të çdo gjë përreth mori ngjyrë bardhësie, për të cilën shpesh kemi nevojë! (Realitetet e reja shqiptare janë shumë të varfra në raport me bardhësinë)

Në një pamje tjetër duket se dëbora dhe qyteti lidhën zemrat e tyre me njëri-tjetrin që në ditët e para të këtij viti. Si të thuash, e nisën vitin duke u vështruar thellësisht në sy.

Ndoshta u dashurua pas tij…

Ndoshta e mori malli për të…

Ndoshta s’e duruan dot ndarjen…

Ndoshta.., se kështu e kanë prekjet e pastra e të sinqerta, lidhjet e këtij soji, që ndodhin radhë e janë të bardha, si dëbora e bardhë që mbuloi me butësinë e saj qytetin tonë…

Ndoshta…

 

Muhamedi