Muhamed Sytari

Darkë mirënjohje për thirrësin islam Muhamed Sytari

(Shkodër, më 13 qershor 2009) 

Me iniciativën e këshillit të xhamisë Tophanë dhe mbështetjen e imamit të saj, në ambientet e një prej restoranteve të Shkodrës, u zhvillua një darkë mirënjohje për hatibin e xhamisë Tophanë, thirrësin islam Muhamed Sytari.

Në këtë takim, përveç antarëve të këshillit të xhamisë Tophanë, imamit dhe hatibit të saj, merrnin pjesë edhe intelektualë, thirrës islamë etj.

Në fjalën e hapjes, imami i xhamisë Tophanë, Ilir Dizdari, ka falënderuar organizatorët për këtë organizim mirënjohje për kontributin dhe shërbimin 10 vjeçar të thirrësit islam Muhamed Sytari në xhaminë e Tophanës.

Nga ana e tij, hatibi i kësaj xhamie, ka falënderuar pjesëmarrësit, imamin e xhamisë dhe këshillin e saj për këtë “dhuratë të çmuar, sidomos pas daljes së librit që arkivon përveç të tjerave edhe jetën dhjetë vjeçare të xhamisë së Tophanës”.

Ndër të tjera, Sytari ka vazhduar: “Është e vërtetë se gjatë këtyre viteve kemi hasur pengesa dhe vështirësi të shumta në rrugën e konsolidimit dhe perfeksionimit të xhamisë tonë, por së bashku, me mbarësinë e Zotit, ia kemi arritur të kemi këtë xhami që kemi sot. Xhamia e Tophanës, sikurse e pohojnë edhe vizitorët e saj të shumtë, tashmë i ka kaluar kufijtë e qytetit tonë. Ky fakt, ndonëse na gëzon, na obligon për më shumë vëmendje dhe interesim në rrugën e ruajtjes dhe përmirësimit të vazhdueshëm të xhamisë tonë dhe shërbimeve që ajo ofron për besimtarët dhe frekuentuesit e saj”.

Darka është karakterizuar nga një atmosferë tepër familjare dhe vëllazërore.

 

Ilir Dizdari

Imam i xhamisë Tophanë