Imam Muhamed Sytari

Bidate që nuk e dëmtojnë fenë

(Tophanë, më 11 shkurt 2010) 

Nëpërmjet dersit të natës së xhuma, në xhaminë e Tophanës, Imam Muhamed Sytari ka vazhduar të flasë për të katërtën javë me radhë rreth hadithit të bidatit, në të cilin Resulull-llahi (a.s) urdhëron: “Kushdo që shpik diçka në fenë tonë, që nuk i përket asaj, është e refuzuar”.

Në dersin e tij, vaizi i xhamisë Tophanë, ka folur dhe komentuar kapitullin e VII- të të librit “Syneti e bidati” të hoxhës dhe dijetarit të nderuar Vehbi Sulejman Gavoçi, titulluar: “Këto shpikje nuk janë humbje”, duke hedhur dritë mbi disa tradita dhe zakone fetare funksionale në vendin tonë dhe jetën e xhamisë, si përdorimi i tesbihëve gjatë dhikrit, hatmeja e Kuranit, leximi i tij në varreza, telkina e të vdekurit, falja e namazit të mesditës në ditën e xhuma etj.

Dersi i natës së xhuma, vazhdon rregullisht çdo të enjte pas namazit të jacisë në xhaminë e Tophanë.

www.muhamedsytari.net